|
ពិធីបុណ្យបណ្ចុះខណ្ឌសីមាព្រះវិហារវត្តប្រាសាទព្រះធាតុទឹកឆា នៅស្រុកព្រៃឈរ ខេត្តកំពង់ចាម |
|
ព្រឹកថ្ងៃទី ២៨ ខែកុម្ភះ ឆ្នាំ ២០១៣ ព្រះវិហារវត្តប្រាសាទព្រះធាតុទឹកឆា ស្ថិតនៅក្នុងឃុំក្រូច ស្រុកព្រៃឈរ ខេត្តកំពង់ចាម បានធ្វើពិធីបុណ្យបញ្ចុះខណ្ឌសីមាដោយឯកឧត្តម អ៊ឹម សិទ្ធី រដ្ឋមន្ត្រីក្រសួងអប់រំ យុវជននិងកីឡាជាតំណាងដ៍ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវកិត្តិព្រឹទ្ធបណ្ឌិត ។
ឯកឧត្ដម អ៊ឹម សិទ្ធី បានលើកឡើងថា ពេលនេះពុទ្ធបរិស័ទជិតឆ្ងាយទំាងអស់ ក្នុងឃុំក្រូច ស្រុកព្រៃឈរខេត្តកំពង់ចាម មានសមិទ្ធផលថ្មីមួយទៀតហើយនៅក្នុងវត្តប្រាសាទព្រះធាតុទឹកឆា រួមទាំងសមិទ្ធផលនានាក្នុងវត្តផងដែរ។ សមិទ្ធផលទាំងអស់នេះរួមមានកុដិតូច ២ ខ្នង កុដិធំ ១ ខ្នងឧបដ្ឋានសាលាព្រះវិហារ របងវត្តក្លោងទ្វាប្រាសាទមាសប្រាសាទប្រាក់និងស្រះទឹក ដែលចំណាយថវិកាអស់ចំនួន ២២០ ០៦០ ដុល្លារសហរដ្ឋអាមេរិកនិងប្រាក់រៀលចំនួន ២ ៥០០ ០០០ រៀលហើយសមិទ្ធផល ទាំងអស់នេះនឹងបម្រើអោយវិស័យពុទ្ធចក្រកាន់តែមានភាពទូលំទូលាយបន្ថែមទៀត។ ឯកឧត្ដម អ៊ឹម សិទ្ធី បានកោតសរសើរចំពោះសប្បុរសជននានា ដែលបានចូលរួមចំណែកយ៉ាងសំខាន់ក្នុងការកសាងសមិទ្ធផលនេះ ក្នុងការបម្រើផលប្រយោជន៍អោយព្រះសង្ឃ និងពុទ្ធបរិស័ទបានធ្វើបុណ្យទានក្នុងវិស័យព្រះពុទ្ធសាសនា។
បន្ទាប់មកឯកឧត្តម បានបំពាក់មេដាយជូនសប្បុរសជននានាចំនួន ២២ នាក់ដែលបានចូលរួមកសាងព្រះវិហាររហូតទទួលបានលទ្ធផលជាផ្លែផ្កា ពិសេសឯកឧត្តម អ៊ឹម សិទ្ធី បាននាំយកនូវអំណោយរបស់សម្តេចអគ្គសេនាបតីតេជោហ៊ុន សែន រួមមានបច្ច័យសម្រាប់ចូលបុណ្យចំនួន ១០ លានរៀល សីមាកិលហៅសីមាធំ រួមនឹងសម្ភារ ៥ សែនរៀល សីមាទិសទាំង៨ទិស ក្នុង ១ ទិសៗ ២ សែនរៀលរួមនឹងសម្ភារ ឧបត្ថម្ភសាលាស្រុកព្រៃឈរ ៥ សែនរៀល សាលាឃុំក្រូច ៣ សែនរៀល នគរបាល ៣ សែនរៀល យោធាស្រុក ៣ សែនរៀល កងរាជអាវុធហត្ថ ៣ សែនរៀល គ្រូបង្រៀននិងគ្រូពេទ្យ ៨២ នាក់ ម្នាក់ៗ ២ ម៉ឺនរៀលយុវជនកាយឫទ្ធិ ៥០ នាក់ ម្នាក់ៗ ១ ម៉ឺនរៀល យុវជនកាកបាទក្រហម ៥០ នាក់ ម្នាក់ៗ ១ ម៉ឺនរៀល សិស្សានុសិស្ស ៥១៦ នាក់ម្នាក់ៗសៀវភៅ ២ ក្បាល ប៊ិច ១ ដើម និងថវិកា ៥ ពាន់រៀល និងយាយជីតាជី ១០០ នាក់ ម្នាក់ៗក្រណាត់ស ១ ដុំនិងថវិកា ១ ម៉ឺនរៀល។
|
|
|
ជំនួបសំដែងការគួរសម និងពិភាក្សាការងារ រវាងតំណាងទីភ្នាក់ងារសម្របសម្រួលសហប្រតិបត្តិការអន្តរជាតិទួរគី និងឯកឧត្ដម អ៊ឹម សិទ្ធី រដ្ឋមន្ត្រីក្រសួងអប់រំ យុវជន និងកីឡា |
|
នារសៀលថ្ងៃទី២៦ ខែកុម្ភៈ ឆ្នាំ២០១៣ នៅទីស្ដីការក្រសួង ឯកឧត្ដម អ៊ឹម សិទ្ធី រដ្ឋមន្ត្រីក្រសួងអប់រំ យុវជន និងកីឡា បានអនុញ្ញាតឲ្យតំណាងទីភ្នាក់ងារសម្របសម្រួលសហប្រតិបត្តិការអន្តរជាតិទួរគី (Tika) នៃសាធារណរដ្ឋទួរគី ចូលជួបសំដែងការគួរសម និងពិភាក្សាការងារស្ដីពីកិច្ចសហប្រតិបត្តិការមិត្តភាពរវាងប្រទេសទាំងពីរ កម្ពុជា-ទួរគី បន្ទាប់ពីជំនួបពិភាក្សាការងាររួចមក Tikaបានផ្ដល់កុំព្យូទ័រចំនួន ៤០គ្រឿង ដល់ក្រសួងអប់រំ យុវជន និងកីឡា ។ |
|
|
|
|
<< ចាប់ផ្ដើម < មុន 1 2 3 4 5 6 7 8 9 10 បន្ទាប់ > ចុងក្រោយ >>
|
|
ទំព័រទី 5 ទាំងអស់ 27 ទំព័រ |
