| ឯកឧត្ដម អ៊ឹម សិទ្ធី រដ្ឋមន្ដ្រី ក្រសួងអប់រំ យុវជន និងកីឡា អញ្ជើញចូលរួមក្នុង មហាសន្និបាតលើកទី៣៦របស់អង្គការយូណេស្កូ នៅទីក្រុងប៉ារីស ប្រទេសបារាំង ពីថ្ងៃទី ២៥ ខែ តុលា ដល់ថ្ងៃទី ០៥ ខែ វិច្ឆិកា ឆ្នាំ ២០១១ |
|
អង្គមហាសន្និបាតអង្គបានលើកយករបៀបវារៈដែលបានគ្រោងទុកមកពិភាក្សា និងអនុម័ត ស្របតាមកម្មវិធី និងកាលបរិច្ឆេទ រួមមាន របាយការណ៍របស់យូណេស្កូ ដែលក្នុងនោះលោកជំទាវ អគ្គនាយិកាអង្គការយូណេស្កូបានលើក ឡើងពីកម្មវិធីសាកល្បងរបស់យូណេស្កូនៅខេត្ដរតនគីរីដែលបានធ្វើឱ្យរស់ឡើងវិញនូវបច្ចេកទេសតម្បាញបែបប្រពៃណី ដែលបានបំភ្លេចចោលពីសហគមន៍ ជនជាតិភាគតិចក្នុងសម័យខ្មែរក្រហម ដោយធានាឱ្យមានល័ក្ខខ័ណ្ឌរស់នៅល្អប្រសើ តាមរយៈមុខរបរថ្មី។ លើសពីនេះ មហាសន្និបាតបានប្រកាសទទួលស្គាល់ប្រទេសស៊ូដង់ខាងត្បូង ចូលជាសមាជិក ទី ១៩៤ ចាប់ពីឆ្នាំ ២០១១នេះតទៅ។
១. វេទិកាថ្នាក់ដឹកនាំអប់រំ ក្នុងពិធីបើកវេទិកាថ្នាក់ដឹកនាំអប់រំ លោកជំទាវអគ្គនាយិកាអង្គការយូណេស្កូ បានគូសបញ្ជាក់ពីចំណុចដែលគួរ យកចិត្ដទុកដាក់លើវប្បធម៌សន្ដិភាព និងការអភិវឌ្ឍន៍ប្រកបដោយនិរន្ដរភាព សម្រាប់ជាបុព្វបទបើកវេទិកា។ - អប់រំដើម្បីឱ្យមានចំណេះដឹង ក្រៅពីនេះ ឯកឧត្ដមប្រធានគណៈប្រតិភូក្រសួងអប់រំ យុវជន និងកីឡា បានជម្រាបជូនវេទិកាថ្នាក់ដឹកនាំអប់រំ ដែលកម្ពុជាបានទទួរងគ្រោះទឹកជំនន់ដែលបណ្ដាលឱ្យប៉ះពាល់ដល់ហេដ្ឋារចនា សម័ន្ធក្នុងនោះសាលារៀនជាង ១០០០ កន្លែងត្រូវបានអូសបន្លាយការចូលរៀនរបស់សិស្សានុសិស្ស។
២. ការជួបប្រជុំរដ្ឋមន្ដ្រី២០ប្រទេស
នាព្រឹកថ្ងៃទី ២៨ ខែ តុលា ឆ្នាំ ២០១១ មានបើកកិច្ចប្រជុំថ្នាក់រដ្ឋមន្ដ្រីចំនួន ២០ប្រទេស ដែលបានអនុវត្ដ គម្រោងអភិវឌ្ឍសមត្ថភាពការអប់រំសម្រាប់ទាំងអស់គ្នា (CapEFA) ជាមួយដៃគូអភិវឌ្ឍចំនួន ៦ រួមមាន ប្រទេសហូឡង់ អ៊ីតាលី ណរ័វេស៍ ហ្វាំងឡង់ ស៊ុយអែត និង ស្វីស ដោយផ្ដោតលើ៤ចំណុចដូចខាងក្រោមៈ ១. ការងារអក្ខរកម្ម និងអប់រំក្រៅប្រព័ន្ឋ ក្នុងកិច្ចពិភាក្សា ឯកឧត្ដម អ៊ឹម សិទ្ធី ប្រធានគណៈប្រតិភូក្រសួងអប់រំ យុវជន និងកីឡា បានគូសបញ្ជាក់
៣. សេចក្ដីថ្លែងការណ៍របស់តំណាងប្រតិភូប្រទេសសមាជិក នាព្រឹកថ្ងៃទី ២៩ ខែ តុលា ឆ្នាំ ២០១១ ឯកឧត្ដម អ៊ឹម សិទ្ធី ប្រធានគណៈប្រតិភូក្រសួងអប់រំ យុវជន និងកីឡាបានអញ្ជើញឡើងថ្លែងការណ៍ក្នុងអង្គមហាសន្និបាតដោយធ្វើការគូបញ្ជាក់អំពីការយកចិត្ដទុកដាក់របស់រាជរដ្ឋាភិបាល ក្រោមការដឹកនាំដ៏ឈ្លាសវៃរបស់ សម្ដេចអគ្គមហាសេនាបតី តេជោ ហ៊ុន សែន នាយករដ្ឋមន្ដ្រី លើការរក្សាបានសុខសន្ដិភាព និងការអភិវឌ្ឍន៍ប្រទេសជាតិលើគ្រប់វិស័យប្រកបដោយក្ដីមោទនៈ។ ឯកឧត្ដមក៏បាន សង្កត់ធ្ងន់លើចំណុចមួយចំនួនដូចខាងក្រោម ៖ -វិស័យអប់រំមានការរីកចម្រើនគួរឱ្យកត់សម្គាល់ អត្រាពិតនៃការសិក្សារបស់សិស្សនៅបឋមសិក្សាមាន៩៥ ភាគរយ។ សិស្សសរុបគ្រប់ភូមិសិក្សាមាន ៣,៥ លាននាក់ ស្មើ ១ ភាគបួន នៃប្រជាជនសរុប។ រាជរដ្ឋាភិបាលបាន ជ្រើសរើសគ្រូបង្រៀន៥០០០នាក់រៀងរាល់ឆ្នាំដើម្បីឆ្លើយតបទៅនឹងសំណូមពររៀនសូត្ររបស់កូនចៅប្រជាជន។ ប្រការនេះ បញ្ជាក់ពីការយកចិត្ដទុកដាក់របស់រាជរដ្ឋាភិបាល ទោះបីជួបប្រទះនឹងបញ្ហាប្រឈមជាច្រើនក៏ដោយ ដូចជា ទឺកជំនន់ វិបត្ដិសេដ្ឋកិច្ចហិរញ្ញវត្ថុ ។ -បញ្ហជំងឺអេដស៍ មេរោគអេដស៍ ត្រូវបានអង្គការសហប្រជាជាតិទទួលស្គាល់ពីវឌ្ឍនភាពដែលសម្រេចបាន តាមគោលដៅអភិវឌ្ឍសហស្សវត្សរ៍ទី៦នាឆ្នាំ២០១០។ -វិស័យវប្បធម៌ កម្ពុជាមានកិច្ចសហប្រតិបត្ដិការល្អជាមួយូណេស្កូដើម្បីអភិរក្ស និងអភិវឌ្ឍន៍បេតិកភ័ណ្ឌ របស់ខ្លួនប្រកបដោយនិរន្ដរភាព។ -វិស័យសារគមនាគមន៍ កម្ពុជាបានបើកទូលាយសេរីភាពសារព័ត៌មាន និងបណ្ដុះបណ្ដាលអ្នកសារព័ត៌មាន។ ជាមួយគ្នានេះដែរ នាថ្ងៃទី ៣១ ខែ តុលា ឆ្នាំ ២០១១ អង្គមហាសន្និបាតអង្គការយូណេស្កូលើកទី ៣៦ បានបោះឆ្នោតគាំទ្ររដ្ឋប៉ាឡេស្ទីនចូលជាសមាជិករបស់អង្គការយូណេស្កូដោយទទួលបានសំឡេងគាំទ្រ ចំនួន ១០៧ សំឡេងមិនគាំទ្រចំនួន ១៤ និងអនុប្បវាទចំនួន ៥២ សំឡេង។ អង្គមហា សន្និបាតបានស្ដាប់របាយការណ៍របស់វេទិកា យុវជនដែលបានធ្វើឡើងកាលពីថ្ងៃទី ១៧-២០ ខែ តុលា ឆ្នាំ ២០១១ និងបានស្ដាប់របាយការណ៍បូកសរុប សេចក្ដីថ្លែងការណេ៍ឆ្លីយតបប្រទេសចំនួន ១៧៩ របស់លោកជំទាវអគ្គនាយកអង្គការយូណេស្កូ ដែលបានគូសបញ្ជាក់ អំពីការប្ដេជាចិត្ដ និងការចូលរួមរបស់ប្រទេសសមាជិកក្នុងការលើកកំពស់កិច្ចសហប្រតិបត្ដិការល្អ ដើម្បីសម្រេចបាន ជោគជ័យលើគ្រប់សកម្មភាពរបស់អង្គការយូណេស្កូ ដោយផ្ដោតជាសំខាន់លើការអភិវឌ្ឍប្រកបដោយនិរន្ដរភាព ការ អភិរក្សសម្បត្ដិវប្បធម៌ បេតិកភ័ណ្ឌពិភពលោក ការយកឧស្សាហកម្មវប្បធម៌ដើម្បីអភិវឌ្ឍប្រទេស ពិសេសកម្ពុជា និងប្រទេសមួយចំនួនទៀត ការគោរព និងលើកកំពស់សិទ្ឋិមនុស្ស សមភាពយ៉េនឌ័រ វប្បធម៌សន្ដិភាព ភាសា និង ការផ្ដល់ឱកាសឱ្យកុមារគ្រប់រូបទទួលបានការអប់រំប្រកបដោយសមធម៌ និងគុណភាពទាំងនៅក្នុង និងក្រៅប្រព័ន្ឋ ការអប់រំឧត្ដមសិក្សាការអភិវឌ្ឍន៍បច្ចេកវិទ្យាព័ត៌មាន ការអប់រំបច្ចេកទេស និងបណ្ដុះបណ្ដាលវិជា្ជជិវៈ ដើម្បីឈានទៅ សម្រេចបានការអប់រំទាំងអស់គ្នានាឆ្នាំ ២០១៥ និងការអភិវឌ្ឍសហស្សវត្ស។ លោកជំទាវអគ្គនាយកអង្គការយូណេស្កូ បានកោតសរសើរប្រទេសកម្ពុជា និងប៉ូឡូញ ដែលបានគាំទ្រអង្គការយូណេស្កូក្នុងការរៀបចំខួបទី២០នៃការរំលឹក “Memoire du Monde” នាឆ្នាំក្រោយ។ នាថ្ងៃទី ១-៣ ខែ វិច្ឆិកា ឆ្នាំ ២០១១ ការប្រជុំគណៈកម្មការអប់រំ បានយកចិត្ដទុកដាក់លើកាអប់រំសម្រាប់ ទាំងអស់គ្នាក្រោយឆ្នាំ២០១៥ ដោយប្រមូលផ្ដុំលើគោលវិធីគ្រប់ជ្រុងជ្រោយ រួមមាន ៖ - ការអប់រំមូលដ្ឋាន ៖ គុណភាព និងការអភិវឌ្ឍន៍កុមារតូច ចំពោះកិច្ចប្រជុំគណៈកម្មការអប់រំ វិទ្យាសាស្ដ្រ និងបច្ចេកវិទ្យាព័ត៌មាន អង្គប្រជុំបានស្ដាប់របាយការណ៍ សកម្មភាពរបស់អង្គការយូណេស្កូសម្រាប់ការអនុវត្ដនៃកិច្ចប្រជុំកំពូលពិភពលោក ស្ដីពីលទ្ឋផលសង្គមព័ត៌មាន (Infor- mation Society) និងវិធានការអនាគតសម្រាប់ឈានទៅសម្រេចគោលដៅឆ្នាំ ២០១៥។ ការសម្រេចលើសេចក្ដី- ព្រាងកម្មវិធីប្រតិបត្ដិ និងថវិកាសម្រាប់ឆ្នាំ ២០១២-២០១៣ ការបង្កើតវិទ្យាស្ថាន និងមជ្ឈមណ្ឌល Category ចំនួន 2 ដែលស្ថិតនៅក្រោមអង្គការយូណេស្កូ ដើម្បីបម្រើដល់ការអភិវឌ្ឍន៍វិស័យបច្ចេកវិទ្យាព័ត៌មានអប់រំនៅក្នុង តំបន់ និងពិភពលោក។ ការលើកំពស់ការប្រើប្រាស់ ពហុភាសា បណ្ណាល័យ បច្ចេក វិទ្យាព័ត៌មាន និង ក្រមសីលធម៌ សង្គមព័ត៌មាន។
សេចក្ដីសន្និដ្ឋាន ៖ មហាសន្និបាតអង្គការយូណេស្កូលើកទី ៣៦នេះ បានផ្ដល់ចក្ខុវិស័យ និងយុទ្ឋសាស្ដ្រសម្រាប់ រយៈពេលខាងមុខ ដើម្បីសម្រេចគោលដៅអប់រំសម្រាប់ទាំងអស់គ្នា និងគោលដៅអភិវឌ្ឍសហស្សវត្សនាឆ្នាំ ២០១៥ និងមាគ៌ាឆ្ពោះទៅ ដំណាក់កាលថ្មីក្រោយឆ្នាំ ២០១៥។ កម្ពុជាអាចឆ្លុះបញ្ចាំងបានពីវឌ្ឍនៈភាព ការប្រឈម និងវិធានការអនុវត្ដជាបន្ដ ឆ្លើយទៅនឹងបរិបទសកលលោក និងជំហានរីកចម្រើនរបស់ខ្លួនស្របតាមយុទ្ឋសាស្ដ្រចតុកោណរបស់រាជរដ្ឋាភិបាលក្នុង ស្មារតីសុទិដ្ឋិនិយម។
|
