|
|
|
ផែនការយុទ្ធសាស្រ្តអប់រំ ២០០៩-២០១៣ |
|
អារម្ភកថា
ដើម្បីធានាសង្គតិភាពនៃឋានានុក្រម តួនាទី ខ្លឹមសារ និងលំដាប់លំដោយនៃការអនុវត្តរវាង យុទ្ធសាស្ត្រចតុកោណដំណាក់កាលទី២ ជាមួយនឹងផែនការយុទ្ធសាស្ត្រអភិវឌ្ឍន៍ជាតិបច្ចុប្បន្នកម្មឆ្នាំ ២០០៩-២០១៣ ផែនការយុទ្ធសាស្ត្រវិស័យអប់រំឆ្នាំ ២០០៩-២០១៣ ត្រូវបានពិនិត្យឡើងវិញ សំដៅកែលម្អសេវាអប់រំឱ្យកាន់តែប្រសើរថែមទៀត។
ការពិនិត្យឡើងវិញផែនការយុទ្ធសាស្ត្រវិស័យអប់រំឆ្នាំ ២០០៩-២០១៣ នេះ បានបង្ហាញអំពី បម្រែបម្រួល និងបង្ហាញពីដំណាក់កាលការងារដ៏សំខាន់មួយរបស់ក្រសួងអប់រំ យុវជន និងកីឡា ក្នុងការបន្តអនុវត្តកំណែទម្រង់វិស័យអប់រំ យុវជន និងកីឡា នៅកម្ពុជាស្របតាមកំណែទម្រង់នារបស់រាជរដ្ឋាភិបាល។ ក្នុងរយៈពេល ៥ឆ្នាំ នៃការអនុវត្តផែនការយុទ្ធសាស្ត្រវិស័យអប់រំកន្លងមកនេះ ក្រសួងនិងដៃគូអភិវឌ្ឍបានធ្វើឱ្យមានការរីកចម្រើនគួរឲ្យកត់សម្គាល់ ក្នុងការផ្តល់ការអប់រំប្រកបដោយ សមធម៌ ការកែលម្អគុណភាពនិងប្រសិទ្ធភាពសេវាអប់រំ និងការគ្រប់គ្រងសេវា អប់រំ ។
|
|
អានអត្ថបទទាំងស្រុង...
|
|
ផែនការគោលសម្រាប់អភិវឌ្ឍការស្រាវជ្រាវក្នុងការអប់រំ ២០១១-២០១៥ |
|
ផែនការគោលសម្រាប់អភិវឌ្ឍការស្រាវជ្រាវក្នុងវិស័យអប់រំត្រូវបានបង្កើតឡើងដោយ ផ្អែកលើយុទ្ធសាស្រ្តទាំងប្រាំពីរដែលមានចែងក្នុងគោលនយោបាយស្តីពីការអភិវឌ្ឍការស្រាវជ្រាវក្នុងវិស័យអប់រំ និងជាផ្នែកមួយនៃការអនុវត្តច្បាប់ស្តីពីការអប់រំនៅកម្ពុជា ។
ផែនការគោលនេះបង្ហាញពីសកម្មភាពនិងកម្មវិធីសម្រាប់អភិវឌ្ឍ ការស្រាវជ្រាវដើម្បីធានាគុណភាព និងប្រសិទ្ធភាពវិស័យអប់រំឧត្តមសិក្សាព្រមទាំងផ្តល់ការលើកទឹកចិត្តដល់គ្រឹះស្ថានស្រាវជ្រាវនិងគ្រឹះស្ថានឧត្តមសិក្សា សាស្រ្តាចារ្យ និងនិស្សិតក្នុងការអភិវឌ្ឍវប្បធម៌ និង គុណវុឌ្ឍិនៃការស្រាវជ្រាវ តាមរយៈការបំពេញតួនាទី ភារកិច្ចរបស់ខ្លួនជាពិសេសកិច្ចសហប្រតិបត្តិការជាមួយបណ្តាស្ថាប័នជាតិនិង អន្តរជាតិលើគម្រោងអាទិភាពដែលនឹងនាំមកនូវអត្ថប្រយោជន៏សម្រាប់ប្រទេសជាតិ និងពិភពលោកទាំងមូល ។
ផែនការគោលនេះជាយន្តកាជំរុញការភ្ជាប់ទំនាក់ទំនងរវាងគ្រឹះស្ថានឧត្ដមសិក្សា និង វិស័យ ផលិត កម្មសេវាកម្ម ដែលជាមូលដ្ឋានដ៏សំខាន់សម្រាប់កំណត់ គោលដៅនៃការអប់រំ និងសម្រាប់ឆ្លើយតបទៅនឹងសេចក្តីត្រូវការនៃទីផ្សារការងារ។ ទំនាក់ទំនងដែលកើតចេញពីផែនការគោលនេះនឹងជួយអភិវឌ្ឍវិស័យអប់រំនិង សេដ្ឋកិច្ចប្រទេសកម្ពុជាស្របតាមយុទ្ធសាស្រ្ត ចតុកោណដំណាក់កាលទីពីររបស់រាជរដ្ឋាភិបាល ។
ក្រសួងអប់រំ យុវជន និងកីឡាសង្ឃឹមយ៉ាងមុតមាំថា អង្គភាព ស្ថាប័នពាក់ព័ន្ធ និងដៃគូ អភិវឌ្ឍនានានឹងចូលរួមជួយគាំទ្រការអនុវត្តផែនការគោលនេះឱ្យទទួលបានជោគជ័យ ។
ទាញយកឯកសារ
ឯកសារជាភាសាអង់គ្លេស ៖
 Master Plan for Research Development in the Education Sector 2011-2015 (587.07 kB)
ឯកសារជាភាសាខ្មែរ ៖
ផែនការគោលសម្រាប់អភិវឌ្ឍការស្រាវជ្រាវក្នុងការអប់រំ ២០១១-២០១៥ (482.39 kB) |
|
ផែនការគោលបច្ចេកវិទ្យាព័ត៌មាន និងសារគមនាគមន៍ ក្នុងវិស័យអប់រំ |
|
 ចក្ខុវិស័យរយៈពេលវែងរបស់ក្រសួងអប់រំ យុវជន និងកីឡា (អយក) គឺ "កសាង និងអភិវឌ្ឍធនធានមនុស្សប្រកបដោយគុណភាព និងគុណធម៌ប្រសើរបំផុតលើគ្រប់ផ្នែក ដើម្បីកសាងសង្គមកម្ពុជាឲ្យក្លាយជាសង្គមរីកចម្រើនផ្អែកលើចំណេះដឹង និងចំណេះធ្វើជាមូលដ្ឋាន" ។
ស្របតាមចក្ខុវិស័យផែនការយុទ្ធសាស្ត្រវិស័យអប់រំ ២០០៩-២០១៣ ក្រសួង អយក បានផ្ដួចផ្ដើមបញ្ចូលការប្រើប្រាស់បច្ចេកវិទ្យា ព័ត៌មាន និងសារគមនាគមន៍ (បពស) ឲ្យកាន់តែទូលំទូលាយ ។ ដើម្បីលើកកម្ពស់ប្រសិទ្ធភាពនៃការអប់រំសម្រាប់ទាំងអស់គ្នានៅគ្រប់កម្រិតសិក្សា និងដើម្បីកសាងកម្លាំងពលករប្រកបដោយសមត្ថភាពខាងបច្ចេកវិទ្យា និងសមត្ថភាពវិភាគពិចារណាជូនប្រទេសជាតិ ។
នៅឆ្នាំ ២០០៣ ក្រសួង អយក បានផ្ដើមដំណើរការកសាងគោលនយោបាយសំដៅកែលម្អគុណភាពអប់រំតាមរយៈការប្រើប្រាស់ បពស ។ នៅខែមករា ឆ្នាំ ២០០៥ ក្រសួងបានអនុម័តឲ្យប្រើប្រាស់ជាផ្លូវការឯកសារ "គោលនយោបាយ និងយុទ្ធសាស្ត្រប្រើប្រាស់បច្ចេកវិទ្យា ព័ត៌មាន និងសារគមនាគមន៍ក្នុងការអប់រំនៅកម្ពុជា" ។ ឯកសារគោលនយោបាយនេះ ត្រូវបានចាត់ទុកជាគោលនយោបាយជាតិសម្រាប់តម្រង់ទិសដៅការប្រើប្រាស់បច្ចេកវិទ្យាព័ត៌មាន និងសារគមនាគមន៍ក្នុងវិស័យអប់រំ ហើយឯកសារនេះ ក៏បានកំណត់នូវសកម្មភាពចម្បងៗដែលក្រសួង អយក ត្រូវបំពេញ ដើម្បីឲ្យការធ្វើសមាហរណកម្មបច្ចេកវិទ្យាទាំងនេះក្នុងការរៀន និងបង្រៀននៅគ្រប់អនុវិស័យអប់រំអាចសម្រេចទៅបានដោយជោគជ័យ ។
ក្រោមជំនួយបច្ចេកទេសរបស់អង្គការយូណេស្កូ កិច្ចការកសាងឯកសារ "ផែនការគោលស្ដីពីបច្ចេកវិទ្យា ព័ត៌មាន និងសារគមនាគមន៍ក្នុងវិស័យអប់រំ ២០០៩‑២០១៣" បានចាប់ផ្ដើមនៅឆ្នាំ ២០០៧ ដែលជាផ្នែកមួយនៃកម្មវិធីសាលារៀនបើកចំហ ដែលជាកម្មវិធីកើតចេញពីកិច្ចសហប្រតិបត្តិការដ៏មានមហិច្ឆតាមួយរវាង ក្រសួង អយក និងវិទ្យាស្ថានបើកទូលាយ ។ កម្មវិធីនេះសំដៅកសាងផែនការប្រើប្រាស់ បពស នាពេលអនាគតនៅក្នុងក្រសួង អយក ដោយចាប់ផ្ដើមពីការអភិវឌ្ឍកម្មវិធីសិក្សា ការបណ្ដុះបណ្ដាលគ្រូ និងការធ្វើវិក្រឹតការគ្រូបង្រៀន ការសិក្សាវិភាគពីតម្រូវការហេដ្ឋារចនាសម្ព័ន្ធ ការត្រៀមរៀបចំរចនាសម្ព័ន្ធ និងយន្តការដែលក្រសួងត្រូវការជាចាំបាច់ ការបណ្ដុះបណ្ដាលមន្ត្រីក្រសួង ការតភ្ជាប់បណ្ដាញ និងការអភិវឌ្ឍមាតិកាអប់រំសម្រាប់ការបង្រៀនទៅតាមសាលារៀន និងការបណ្ដុះបណ្ដាលគ្រូបង្រៀន ។ កម្មវិធីនេះ ក៏មានបញ្ចូលនូវការសិក្សាស្រាវជ្រាវពីបច្ចេកវិទ្យាដែលសក្ដិសមនឹងការប្រើប្រាស់នៅតាមថ្នាក់រៀននៅកម្ពុជា ដោយផ្ដោតការចាប់អារម្មណ៍ជាពិសេសទៅលើបច្ចេកវិទ្យាដែលប្រើប្រាស់ថាមពលអគ្គិសនីតិចតួច ដើម្បីឲ្យការប្រើប្រាស់មាននិរន្តរភាព ។
ផែនការគោលនេះបែងចែកការងារជាប្រាំផែនសំខាន់ៗគឺ ៖ ការអប់រំចំណេះទូទៅ ការអប់រំឧត្ដមសិក្សា ការបណ្ដុះបណ្ដាលគ្រូបង្រៀន ការអប់រំក្រៅប្រព័ន្ធ និងការអប់រំមិនផ្លូវការ និងការគ្រប់គ្រង បពស នៅថ្នាក់់ក្រសួង ។ ផែននីមួយៗសុទ្ធតែមានវត្ថុបំណងដ៏មានមហិច្ឆតា ប៉ុន្តែវត្ថុបំណងទាំងនេះអាចនឹងសម្រេចបានក្នុងរយៈពេល ៥ឆ្នាំ ។
ទាញយកឯកសារ
ឯកសារជាភាសាអង់គ្លេស ៖
Master Plant for ICT_En
ឯកសារជាភាសាខ្មែរ ៖
Master Plant for ICT_Kh |
|
គោលនយោបាយជាតិស្ដីពីការអភិវឌ្ឍន៍យុវជនកម្ពុជា |
|
|
|
|
<< ចាប់ផ្ដើម < មុន 1 2 បន្ទាប់ > ចុងក្រោយ >>
|
|
ទំព័រទី 1 ទាំងអស់ 2 ទំព័រ |
