| គោលនយោបាយស្តីពី សៀវភៅសិក្សា និងមគ្គុទេសក៍សម្រាប់ការអភិវឌ្ឍសៀវភៅសិក្សាគោល |
វិស័យអប់រំ ជាវិស័យគន្លឹះមួយរួមចំណែកយ៉ាងខ្លាំងក្នុងការអភិវឌ្ឍសង្គម និងសេដ្ឋកិច្ច ពិសេសការអភិវឌ្ឍធនធានមនុស្ស។ ដោយសង្គមមានការអភិវឌ្ឍលើគ្រប់វិស័យ ក្រសួងអប់រំ យុវជន និងកីទ្បា បានយកចិត្តទុកដាក់ជាចម្បងក្នុងការអភិវឌ្ឍ និងផ្គត់ផ្គង់សៀវភៅសិក្សាគោល ព្រមទាំងឯកសារអំណានផ្សេងៗដែលបម្រើឱ្យការអប់រំនៅតាមសាលារៀនចំណេះទូទៅដើម្បីលើកកម្ពស់គុណភាពអប់រំនៅកម្រិតអប់រំមូលដ្ឋាន និងមធ្យមសិក្សាទុតិយភូមិប្រកបដោយចីរភាព។ ផ្អែកលើគោលនយោបាយសម្រាប់អភិវឌ្ឍកម្មវិធីសិក្សាចំណេះទូទៅ និងអនុវត្តតាមផែនការផ្គត់ផ្គង់សៀវភៅសិក្សាគោលដល់សិស្សដោយឥតគិតថ្លៃតាមអត្រាផលធៀបសៀវភៅ និងសិស្ស គឺ១:១ នៅកម្រិតអប់រំមូលដ្ឋាន និង១:២ នៅមធ្យមសិក្សាទុតិយភូមិ។ ដោយទ្បែកក្រសួងនៅតែបន្តអនុវត្តអត្រាថេរ១:១ សម្រាប់សិស្សមធ្យមសិក្សាទុតិយភូមិនៅខេត្តដាច់ស្រយាល។ នាយកដ្ឋានអភិវឌ្ឍកម្មវិធីសិក្សាសហការជាមួយគម្រោងលើកកម្ពស់គុណភាពអប់រំ (EEQP/ADB Grant No. 0090 CAM (SF)) បានអភិវឌ្ឍឯកសារ គោលនយោបាយស្តីពីការអភិវឌ្ឍសៀវភៅសិក្សា និងមគ្គុទ្ទេសក៍សម្រាប់ការអភិវឌ្ឍសៀវភៅសិក្សាគោលទ្បើង ដើម្បីធានាឱ្យបានការផ្គត់ផ្គង់ប្រកបដោយចីរភាព និងសម្បូរបែប ព្រមទាំងផ្តល់ឱកាសដល់វិស័យឯកជនចូលរួមប្រកូតប្រជែង និងវិនិយោគក្នុងការអភិវឌ្ឍសៀវភៅគោល និងឯកសារផ្សេងៗបម្រើដល់ការអប់រំនៅកម្ពុជា។ ក្នុងនាមក្រសួងអប់រំ យុវជន និងកីទ្បា ខ្ញុំសូមថ្លែងអំណរគុណចំពោះគម្រាងលើកកម្ពស់គុណភាពអប់រំ និងក្រុមការងារនៃនាយកដ្ឋានអភិវឌ្ឍកម្មវិធីសិក្សាដែលបានខិតខំអភិវឌ្ឍឯកសារដ៏មានតម្លៃនេះ ដើម្បីលើកកម្ពស់ការអភិវឌ្ឍ និងផ្គត់ផ្គង់សៀវភៅសិក្សាគោលឪ្យមានប្រសិទ្ឋភាពខ្ពស់។
សូមទាញយកឯកសារ ៖
|
គោលនយោបាយស្តីពីសៀវភៅសិក្សា និងមគ្គុទេសក៍សម្រាប់ការអភិវឌ្ឍសៀវភៅសិក្សាគោល (448.2 kB)