|
នៅទីស្ដីការក្រសួងអប់រំ យុវជន និងកីឡា នាព្រឹកថ្ងៃទី ០៦ ខែមេសា ឆ្នាំ២០១២ បានរៀបចំពិធីចុះហត្ថលេខាលើអនុស្សរណៈនៃការយោគយល់ ស្ដីពីគម្រោងអប់រំសុខភាពភ្នែក ទៅតាម សាលាបឋមសិក្សា រវាងក្រសួងអប់រំ យុវជន និងកីឡា និងអង្គការមូលនិធិហ្រេ្វដហូឡូ ដែលចុះហត្ថលេខាដោយឯកឧត្ដម អ៊ឹម សិទ្ធី រដ្ឋមន្ត្រីក្រសួងអប់រំ យុវជន និងកីឡា និងលោកស្រី វើរ៉ុននីកា ប៊ែល (VERONICA BELL) នាយកស្ដីទីកម្មវិធីអន្តរជាតិនៃអង្គការមូលនិធិហ្រេ្វដហូឡូដែលមានទឹកប្រាក់សរុបចំនួន ១.០១៤.៦៨៤ ដុល្លារអាមេរិក (មួយលានមួយម៉ឺនបួនពាន់ប្រាំមួយរយប៉ែតសិបបួនដុល្លារអាមេរិក) សម្រាប់ការអនុវត្តគម្រោងរយៈពេល ៤ឆ្នាំ គឺចាប់ពីឆ្នាំ២០១២ ដល់ឆ្នាំ២០១៥។
កិច្ចសហប្រតិបត្តិការនេះ គឺជាការចូលរួមចំណែកដ៏សំខាន់មួយក្នុងការលើកកម្ពស់វិស័យអប់រំនៅនៅព្រះរាជាណាចក្រកម្ពុជា ពិសេសសុខភាពសិក្សានៅតាមសាលាបឋមសិក្សាក្នុងខេត្តចំនួន៥ គឺខេត្តកំពង់ស្ពឺ ខេត្តកំពង់ឆ្នាំង ខេត្តកំពង់ធំ ខេត្តកណ្ដាល និងខេត្តព្រៃវែង ដោយផ្ដល់នូវចំណេះដឹងផ្នែកសុខភាពភ្នែក និងបង្ការភាពខ្សោយភ្នែក។
ការអនុវត្តគម្រោង និងផ្ដោតសំខាន់ទៅលើការអភិវឌ្ឍឯកសារបង្រៀន និងរៀន ការបំប៉នគ្រួឧទ្ទេសថ្នាក់ជាតិ គ្រូឧទ្ទេសថ្នាក់ក្រោមជាតិ ព្រមទាំងបំប៉នគ្រួបង្រៀន និងរៀននៅតាមសាលាបឋមសិក្សាក្នុងខេត្តទាំង៥ ចំនួន១២ ៣០០នាក់ សម្រាប់បង្រៀនបន្តដល់សិស្សានុសិស្សចំនួន ៦៥០ ០០០ នាក់។ តាមរយៈគម្រោងនេះ ពិតជាបានរួមចំណែកធ្វើឱ្យប្រសើរឡើងនូវសុខភាពភ្នែក ស្របទៅនឹងយុទ្ធសាស្ត្រជាតិ ស្ដីពីសុខភាពភ្នែក នៃក្រសួងសុខាភិបាល និងជាការចូលរួមចំណែកគាំទ្រដល់ការលប់បំបាត់នូវភាពខ្សោយភ្នែក។
ទាញយកសេចក្ដីប្រកាសព័ត៌មានលម្អិត ៖
 សេចក្ដីប្រកាសព័ត៌មាន ស្ដីពីគម្រោងអប់រំសុខភាពភ្នែកទៅតាមសាលាបឋម (213.27 kB)
កិច្ចសហប្រតិបត្តិការនេះ គឺជាការចូលរួមចំណែកដ៏សំខាន់មួយក្នុងការលើកកម្ពស់វិស័យអប់រំនៅ
នៅព្រះរាជាណាចក្រកម្ពុជា ពិសេសសុខភាពសិក្សានៅតាមសាលាបឋមសិក្សាក្នុងខេត្តចំនួន៥ គឺខេត្ត
កំពង់ស្ពឺ ខេត្តកំពង់ឆ្នាំង ខេត្តកំពង់ធំ ខេត្តកណ្ដាល និងខេត្តព្រៃវែង ដោយផ្ដល់នូវចំណេះដឹងផ្នែក
សុខភាពភ្នែក និងបង្ការភាពខ្សោយភ្នែក។
|
