|
គោលដៅ
គម្រោងមានគោលដៅពង្រឹងគុណភាពនៃការអប់រំនៅតាមសាលារៀន ដោយផ្តោតការគាំទ្រដ៏ប្រយ័ត្នប្រយែងចំពោះការអភិវឌ្ឍនិង ការគ្រប់គ្រងប្រព័ន្ធអប់រំ (២) ការអភិវឌ្ឍវិជ្ជាជីវៈ គ្រូបង្រៀន (៣) ការពង្រឹងការអប់រំនៅមធ្យមសិក្សា ។
ឥទ្ធិពល
ឥទ្ធិពលនៃគម្រោង នឹងគឺជាកំណើនចំនួនប្រជាជនដែលបានទទួល ការអប់រំនិងមានជំនាញកាន់តែប្រសើរឡើងនៅក្នុងគ្រប់មជ្ឈដ្ឋាន ទាំងអស់នៃប្រជាជនកម្ពុជា ជាពិសេស សិស្សនារីនិងសិស្សមកពីតំបន់ ដាច់ស្រយាលនិងតំបន់ជួបការលំបាក ។
លទ្ធផល
លទ្ធផលរបស់គម្រោង នឹងគឺជាការលើកស្ទួយគុណភាព និងសមធម៌នៃការអប់រំនៅកម្ពុជា ជាមួយការអប់រំនៅមធ្យមសិក្សា កាន់តែមានប្រសិទ្ធភាព សមត្ថភាពគ្រូបង្រៀនកាន់តែប្រសើរឡើង និងប្រព័ន្ធគ្រប់គ្រងអប់រំកាន់តែរឹងមាំឡើង ។
រចនាសម្ព័ន្ធគ្រប់គ្រងគម្រោង
កាលបរិច្ឆេទចាប់ផ្តើមគម្រោង EEQP គឺថ្ងៃទី ១៥ ខែ កញ្ញា ឆ្នាំ ២០០៨ ។
គម្រោងនេះត្រូវបានដឹកនាំដោយគណៈកម្មាធិការដឹកនាំ គម្រោង (PSC) មួយ និង គ្រប់គ្រងដោយក្រុមមន្ត្រី គ្រប់គ្រងគម្រោង (PMS) មួយ ដែលរួមមាននាយក គម្រោងមួយរូប ប្រធានគម្រោងមួយរូប និង មន្ត្រីជំនួយមួយចំនួន ។
រចនាសម្ព័ន្ធគ្រប់គ្រង
សមាសភាគទី ១ ៖ ការគ្រប់គ្រង និងការអភិវឌ្ឍប្រព័ន្ធអប់រំ
លទ្ធផលរំពឹងទុក
១. ការយល់ដឹងអំពីច្បាប់ស្ដីពីការអប់រំ និង គោលនយោបាយ បញ្ជ្រាបយ៉េនឌ័ររបស់ក្រសួងអប់រំ យុវជន និង កីឡា
២. ក្របខ័ណ្ឌគោលនយោបាយសម្រាប់ការងារគ្រប់គ្រងនិង ការអប់រំគ្រូបង្រៀន
៣. ការពិនិត្យឡើងវិញលើតួនាទី និងមុខងារនៃក្រសួងអប់រំ យុវជន និង កីឡា នៅរដ្ឋបាលថ្នាក់កណ្តាល រាជធានី-ខេត្ត ស្រុក-ខ័ណ្ឌ និង សាលារៀន
៤. ការពង្រឹងវិទ្យាស្ថានជាតិអប់រំ
៥. ពង្រឹងប្រព័ន្ធពត៌មាននៅថ្នាក់ជាតិ រាជធានី-ខេត្ត ស្រុក-ខ័ណ្ឌ និង សាលារៀន
៦. ដាក់ឱ្យដំណើរការប្រព័ន្ធពិនិត្យតាមដាន និងប្រព័ន្ធធានាគុណភាពនៅតាមសាលារៀននិងសាលាគរុកោសល្យ
៧. ការកែលំអសមត្ថភាពនៃនាយកដ្ឋានអភិវឌ្ឍន៍កម្មវិធីសិក្សា និង ក្រុមប្រឹក្សាអនុម័តសម្ភារអប់រំ ។
សមាសភាគទី ២ ៖ ការអភិវឌ្ឍវិជ្ជាជីវៈគ្រូបង្រៀន
លទ្ធផលរំពឹងទុក
១. ការលើកកម្ពស់សមត្ថភាពគ្រប់គ្រងនៃស្ថាប័នបណ្ដុះបណ្ដាលគ្រូ
២. ការធ្វើឱ្យប្រសើរឡើងនូវសម្ភាររូបវ័ន្ត រួមទាំង ICT នៅតាម ស្ថាប័នបណ្តុះបណ្តាលគ្រូ
៣. ការបង្កើនការចូលរៀនរបស់គរុសិស្សនារីនិងគរុសិស្សមកពី តំបន់ជួបការលំបាកនៅសាលាគរុកោសល្យរាជធានី-ខេត្ត និង វិទ្យាស្ថានជាតិអប់រំ
៤. ការបង្កើនសមត្ថភាពនិងបំណិនគ្រូឧទ្ទេសនៅក្នុងកម្មវិធី បណ្ដុះបណ្ដាលគ្រូ
៥. ការបង្កើនសមត្ថភាពនិងបំណិនគ្រូបង្រៀននៅមធ្យមសិក្សា
៦. ណែនាំឱ្យចេះពីរបៀបប្រើប្រាស់ប្រព័ន្ធផ្សព្វផ្សាយចម្រុះ សម្រាប់ការងារបណ្តុះបណ្តាលគ្រូ ។
សមាសភាគទី ៣ ៖ ការពង្រឹងការអប់រំនៅមធ្យមសិក្សា
លទ្ធផលរំពឹងទុក
១. ផែនការអភិវឌ្ឍន៍អប់រំមធ្យមសិក្សា
២. ការពង្រឹងបណ្ដាញសាលារៀនមធ្យមសិក្សា ការគ្រប់គ្រងសាលារៀន និង ការធ្វើផែនការកែលំអសាលារៀន
៣. ការបង្កើនការចូលរៀនរបស់សិស្សនារី និង កុមារមកពី តំបន់ដាច់ស្រយាលនិងតំបន់ជួបការលំបាក
៤. ការធ្វើឱ្យប្រសើរឡើងនូវសម្ភាររូបវ័ន្តសាលាមធ្យមសិក្សា
៥. កម្មវិធីសិក្សាតាមផ្នែកជាអាទិភាព រួមទាំង ICT ត្រូវបានអភិវឌ្ឍ និងប្រើប្រាស់ក្នុងសាលាមធ្យមសិក្សា
៦. ការផ្គត់ផ្គង់សៀវភៅសិក្សាគោល និងសៀវភៅគ្រូដល់ សាលាមធ្យមសិក្សាទុតិយភូមិទាំងអស់
៧. ការវាយតម្លៃលទ្ធផលសិក្សារបស់សិស្សនៅមធ្យមសិក្សា គឺផ្អែកលើស្តង់ដារកម្មវិធីសិក្សា ។
សម្រាប់ព័ត៌មានបន្ថែម សូមទាញយកឯកសារខាងក្រោម ៖
ឯកសារជាភាសាអង់គ្លេស ៖ EEQP Brochure-English
ឯកសារជាភាសាខ្មែរ ៖ EEQP Brochure-Khmer
|
