|
១. វត្ថុបំណង
យុវជនកម្ពុជាទាំងពីរភេទស្គាល់អត្តសញ្ញាណខ្លួន និងជាតិនិងសារៈសំខាន់នៃចំណេះដឹងដោយខិតខំអភិវឌ្ឍសមត្ថភាពលើគ្រប់ផ្នែកប្រកបដោយគតិបណ្ឌិតស្មារតីទទួលខុសត្រូវមានសីលធម៌ល្អចេះជួយគ្នាទៅវិញទៅមកមានបំណិនវិជ្ជាជីវៈមានសមត្ថភាពផ្នែកវិទ្យាសាស្ត្របច្ចេកវិទ្យាព័ត៌មានមានឥរិយាបថវិជ្ជមានមានភាពជាគំរូចំពោះការងារ និងសង្គម មានការយល់ដឹងជ្រៅជ្រះអំពី ការវិវត្ត និងប្រព័ន្ធគ្រប់គ្រងច្បាប់ទម្លាប់របស់សង្គមហើយចូលរួមដោយស្មើភាពក្នុងកិច្ចការអភិវឌ្ឍប្រទេសជាតិ។
២. ការឆ្លើយតបទៅនឹងគោលនយោបាយ និងយុទ្ធសាស្រ្តក្នុងផែនការយុទ្ធសាស្រ្តវិស័យអប់រំ
គោលនយោបាយទី ១ ៖ ធានាលទ្ធភាពទទួលបានសេវាអប់រំប្រកបដោយសមធម៌
- ពង្រីកការទទួលបានសេវាពីកម្មវិធីអភិវឌ្ឍយុវជន ដល់យុវជនបាត់បង់ឱកាស។
- គោលនយោបាយជាតិយុវជនកម្ពុជា រៀបចំបាននៅឆ្នាំ ២០១០។
- ក្រុមប្រឹក្សាជាតិកម្ពុជាដើម្បីអភិវឌ្ឍយុវជន រៀបចំបាននៅឆ្នាំ ២០១១។
- ផែនការពង្រីកមជ្ឈមណ្ឌលយុវជននៅតាមរាជធានី ខេត្ត កសាងបាននៅឆ្នាំ ២០១២។
- គោលការណ៍ស្តីពី ការបង្កើតមូលនិធិអប់រំសមធម៌ជាតិ សម្រាប់យុវជនក្រីក្របំផុត (កម្មវិធី អាហារូបត្ថម្ភ និងអន្តេវាសិកដ្ឋាន) រៀបចំបាននៅឆ្នាំ ២០១៣។
គោលនយោបាយទី ២ ៖ លើកកម្ពស់គុណភាពនិងប្រសិទ្ធភាពសេវាអប់រំ
- បង្កើនគុណភាពនិងប្រសិទ្ធភាពនៃកម្មវិធីអភិវឌ្ឍយុវជន តម្រង់ទៅរកការអភិវឌ្ឍសង្គម សេដ្ឋកិច្ច។
- ឯកសារគាំទ្រស្តីពី ការអនុវត្តក្រុមប្រឹក្សាយុវជន រៀបចំបាននៅឆ្នាំ ២០១១។
- ស្តង់ដាសម្រាប់ការបណ្តុះបណ្តាលជំនាញវិជ្ជាជីវៈនៅតាមមជ្ឈមណ្ឌលយុវជន កសាងបាន នៅឆ្នាំ ២០១២។
- គោលនយោបាយទី៣ ៖ អភិវឌ្ឍស្ថាប័ន និង អភិវឌ្ឍសមត្ថភាពមន្ត្រីអប់រំសម្រាប់ធ្វើវិមជ្ឈការ
- ពង្រឹងសមត្ថភាពគ្រប់គ្រងរបស់កម្មវិធីអភិវឌ្ឍយុវជន ដើម្បីដោះស្រាយតម្រូវការរបស់យុវជន ក្នុងតំបន់។
- លិខិតបទដ្ឋានក្នុងការបង្កើត ព្រឹត្តិបត្តិយុវជននិងកុមារ រៀបចំបាននៅឆ្នាំ២០១១។
៣. សូចនាករ និងចំណុចដៅ
- ចំនួនក្រុមប្រឹក្សាយុវជន ៩២% នៃសាលាមធ្យមសិក្សានៅឆ្នាំសិក្សា ២០០៩-២០១០ កើនដល់ ១០០% នៅឆ្នាំសិក្សា ២០១៣-២០១៤។
- ចំនួនក្រុមប្រឹក្សាកុមារ ៧៨% នៃសាលាបឋមសិក្សានៅឆ្នាំសិក្សា ២០០៩-២០១០ កើនដល់ ១០០% នៅឆ្នាំសិក្សា ២០១៣-២០១៤។
- យុវជនបានយល់ដឹងអំពីមេរោគនិងជំងឺអេដស៍កើនពីចំនួន ៥៨០០ នាក់នៅឆ្នាំសិក្សា ២០០៩-២០១០ ទៅដល់ ៩០០០នាក់ នៅឆ្នាំសិក្សា ២០១៣-២០១៤។
- ចំនួនសិក្ខាកាមឆ្លងកាត់ការបណ្តុះបណ្តាលជំនាញវិជ្ជាជីវៈកើនពី ៨៥០ នាក់ដល់ ៣៥៦០នាក់ នៅឆ្នាំសិក្សា ២០១៣-២០១៤។
- ចំនួនយុវជនស្ម័គ្រចិត្ត ៤៨០០ នាក់នៅឆ្នាំសិក្សា ២០១៣-២០១៤។
៤. សកម្មភាព និងកម្មវិធីចម្បងៗ
៤.១ កម្មវិធីចរន្ត (ថវិកាកម្មវិធី និងថវិកាផេ្សងៗទៀត)
- ថវិកាដំណើរកម្មវិធីអភិវឌ្ឍយុវជន
- សិក្ខាសាលាផ្សព្វផ្សាយអំពីការយល់ដឹងជំងឺអេដស៍
- ការពង្រឹងក្រុមប្រឹក្សាយុវជន និងកុមារ
- ការអប់រំយុវជន និងកុមារ តាមរយៈប្រព័ន្ធផ្សព្វផ្សាយ
- ការផ្លាស់ប្តូរបទពិសោធន៍ តាមរយៈទស្សនៈកិច្ចសិក្សាបោះជំរំក្នុងប្រទេស និងការប្រជុំ ផ្សេងៗ
- ផ្តល់ការបណ្តុះបណ្តាលអំពីការងារស្ម័គ្រចិត្ត និងជំនាញវិជ្ជាជីវៈខ្លីៗដល់យុវជន
- ការគាំទ្រអង្គភាព និង អភិវឌ្ឍ មជ្ឈមណ្ឌលយុវជន
- សិក្ខាសាលាផ្សព្វផ្សាយ
- ការគាំទ្រដំណើរការ
- ការពង្រឹងសមត្ថភាព
- វគ្គបំប៉នសមត្ថភាពស្តីពីការងារដឹកនាំគ្រប់គ្រង ដល់មន្ត្រីគ្រប់គ្រងយុវជន
- ពិនិត្យតាមដាន និងវាយតម្លៃ
- ការពិនិត្យតាមដាន និងវាយតម្លៃលើកម្មវិធីអភិវឌ្ឍយុវជន
៤.២ កម្មវិធីមូលធន
ការវិនិយោគ៖
- សាងសង់ និងបំពាក់បរិក្ខារដល់មជ្ឈមណ្ឌលយុវជនចំនួន ០៩
- ជួសជុល និងបំពាក់បរិក្ខារដល់មជ្ឈមណ្ឌលយុវជនចំនួន ០៤
កិច្ចសហប្រតិបត្តិការបច្ចេកទេស ៖
- រៀបចំគោលនយោបាយយុវជនជាតិកម្ពុជា
- វគ្គបំប៉នសមត្ថភាពស្តីពីការបណ្តុះបណ្តាលវិជ្ជាជីវៈដល់មន្ត្រីគ្រប់គ្រងយុវជន។
៥. ការពិនិត្យតាមដាន និងការគ្រប់គ្រងកម្មវិធី
កម្មវិធីយុវជនត្រូវគ្រប់គ្រង និងពិនិត្យតាមដានតាមរយៈអគ្គនាយកដ្ឋានយុវជនដែលបានបង្កើតក្នុងអគ្គនាយកដ្ឋានយុវជនដែលមាននាយកដ្ឋានយុវជន និងនាយកដ្ឋានគ្រប់គ្រងមជ្ឈមណ្ឌលយុវជន។ ការងារនេះនឹងមានការសម្របសម្រួលយ៉ាងជិតស្និទ្ធរវាងនាយកដ្ឋានទាំងពីរ និងនាយកដ្ឋានដទៃទៀត ដើម្បីធានាឱ្យការធ្វើសមាហរណកម្មយុទ្ធសាស្ត្រ និងកម្មវិធីមានប្រសិទ្ធភាពស្ថិតនៅក្នុងក្របខណ្ឌនៃអាណត្តិរបស់ក្រសួង។ ការពិនិត្យតាមដានកម្មវិធី នឹងរួមបញ្ចូលទាំងសហប្រតិបត្តិការជាមួយ ស្ថាប័នយុវជន និងស្ថាប័នពាក់ព័ន្ធ ហើយនឹងប្រើប្រាស់លទ្ធផលអង្កេតពីមាតាបិតា យុវជន និងសហគមន៍ និងធ្វើការវិភាគលើផលប៉ះពាល់នៃការអភិវឌ្ឍសង្គមទៅលើយុវជន។ អាទិភាពចម្បងមួយគឺ ការអភិវឌ្ឍក្របខណ្ឌពិនិត្យតាមដាន រួមមានចំណុចដៅប្រព័ន្ធផ្សេងៗ និងការទទួលខុសត្រូវ ។
|
